2025 оны 11 дүгээр сарын 13-ний өдөр Мэдээлэл, холбоо, электроникийн докторын зэрэг хамгаалуулах дэд зөвлөлийн хуралдаан болж өндөрлөлөө. Хуралдаанаар Шинжлэх ухаан технологийн их сургуулийн МХТС-ийн Холбооны инженерчлэлийн тэнхимийн докторант Ю.Отгонбаатарын “Монгол орны үндэсний хиймэл дагуулын сүлжээний радио долгионы тархалтын унтралтанд нөлөөлөх хүчин зүйлсийн судалгаа” сэдэвт диссертацыг хэлэлцлээ. Диссертацын ажлаар Монгол улсын нөхцөлд үндэсний хиймэл дагуулын холбооны радио долгионы тархалтад байгаль цаг уурын хүчин зүйлс, ялангуяа бороо болон үүлний нөлөөгөөр үүсэх унтралтын үзэгдлийг нарийвчлан судалж, олон улсын ITU-R-ийн загваруудтай харьцуулан үнэлгээ хийсэн.
Дэд зөвлөлийн гишүүдийн 100%-ийн саналаар докторант Ю.Отгонбаатар техникийн ухааны доктор (Ph.D.)-ын зэрэг хамгааллаа. Эрдмийн зэргээ амжилттай хамгаалсан доктор Ю.Отгонбаатар танд баяр хүргэж, цаашдын эрдэм шинжилгээ, судалгааны ажилд нь өндөр амжилтын хүсэн ерөөе.
.jpg)
Мэдээлэл, холбоо, электроникийн докторын зэрэг хамгаалуулах дэд зөвлөл
