ICPC Азийн оюуны багийн программчлалын 2025 оны бүсийн олимпиадын Гонконгийн регионал тэмцээн Гонконгийн Шинжлэх Ухаан Технологийн Их Сургуулийн зохион байгуулалтаар болох гэж байна.
Уг нэр хүндтэй тэмцээнд оролцохоор ШУТИС-ийн Мэдээлэл, холбоо технологийн сургуулийн дараах бүрэлдэхүүнтэй оюутны баг шалгарсан байна. Үүнд:

• М.Мөнхбагана

• П.Цэрэнпунцаг

• П.Билгүүнтөгөлдөр

Оюутнуудын олон улсын тэмцээнд оролцох замын болон аяллын зардлыг тус сургуулийн 2001 оны төгсөгч Х.Буянтогтох ивээн тэтгэн дэмжсэн нь МХТС-ийн төгсөгчдийнхөө хөгжил, амжилтыг үргэлж дэмждэг сайхан уламжлалыг улам бататгалаа.

ШУТИС болон МХТС-ийн хамт олон төгсөгч Х.Буянтогтохдоо оюутнуудынхаа олон улсын тавцанд амжилт гаргах боломжийг бүрдүүлсэнд талархал илэрхийлж байна.

ICPC (International Collegiate Programming Contest) нь их, дээд сургуулийн оюутнуудын багийн алгоритм-програмчлалын дэлхийн аварга шалгаруулах тэмцээн юм.

Товч ойлголт:

·       Багийн бүрэлдэхүүн: 3 оюутан, ихэвчлэн 1 компьютер дээр хамтран ажиллана.

·       Тэмцээний хэлбэр: 5 орчим цагт 10–15 даалгавар (алгоритм, өгөгдлийн бүтэц, математикийн сандралтай бодлогууд).

·       Оноолт: Эхлээд шийдсэн бодлогын тоо, дараа нь шийдэхэд зарцуулсан хугацаа + торгуулийн минут (алдаатай илгээсэн тутамд нэмэгдэнэ).

·       Шатлал: Дотоод (Их сургууль, клуб) → Бүсийн тэмцээн (Regional/Asia Regionals, NERC) → Дэлхийн финал

·       Хэлүүд: Голчлон C/C++, Java; олон бүс Python-ыг мөн зөвшөөрдөг (платформ бүрийн дүрмийг дагана).

·       Зорилго: Оюутнуудын логик сэтгэлгээ, алгоритмын мэдлэг, багийн ажиллагаа, стрессийн үеийн шийдэл гаргах чадварыг сорьдог.

Яагаад чухал вэ?

·       Шийдэл гаргах ба хамтран ажиллах чадварыг бодитоор хөгжүүлдэг.

·       Дэлхий даяарх шилдэг оюутнуудтай өрсөлдөх, сүлжээ бий болгох боломж.

·       Олон компани (том технологийн компаниуд) ICPC туршлагыг өндөр үнэлдэг.

МХТС-ийн багтаа амжилт хүсье!