2025 оны 7 дугаар сарын 3-нд ШУТИС-ийн Мэдээлэл, холбооны технологийн сургуулийн (МХТС) захирал Л.Баяр-Эрдэнэ тэргүүтэй төлөөлөгчид Сибирийн холбооны их сургуулийн Бизнес, инноваци, инженерчлэлийн коллеж (БИИК)-д албан ёсны айлчлал хийлээ.
Айлчлалын үеэр СибГУТИ-ийн БИИК-ийн захирал Валерий Архинчеев, МХТС-ийн Компьютерийн ухааны тэнхмийн эрхлэгч А.Хүдэр нар өөрсдийн сургуулийн сургалт, судалгаа, хамтын ажиллагааны боломжийн талаар илтгэл танилцууллаа.
.jpg)
Гэрээний хүрээнд талууд:
- ШУ-ны болон сурган хүмүүжүүлэх үйл ажиллагаанд хамтран ажиллах,
- “Компьютерийн ухаан”, “Мэдээлэл, холбооны технологи болон холбооны систем” хөтөлбөрүүдийн багш нарын мэргэжил дээшлүүлэх,
- Оюутны олимпиад, хакатон зэрэг арга хэмжээг хамтран зохион байгуулахаар тохиролцов.
Мөн айлчлалын хүрээнд төлөөлөгчид В.А. Котельниковын нэрэмжит ШУ-ны урлан бүтээх төв, Холбооны музей, Холбооны системийн тэнхмийн анги танхим, элсэлтийн комиссын үйл ажиллагаатай танилцсан бөгөөд дурсгалын дэвтэрт сургуулийн хамт олонд мэндчилгээ үлдээв.
