ОЮУТНЫ ҮЙЛЧИЛГЭЭ

Оюутнуудад үзүүлэх санхүүгийн дэмжлэг

Оюутнуудын нийгмийн идэвх, оролцоог нэмэгдүүлэх, тэдний авьяас чадвар, хүсэл сонирхлыг дэмжих, сурлага, эрдэм шинжилгээ, урлаг, спортын онцгой амжилтыг урамшуулах зорилгоор ШУТИС нь олон төрлийн тэтгэлэг, буцалтгүй тусламж, зээл, хөнгөлөлтийн хөтөлбөрүүдэд хамруулан дэмжлэг үзүүлдэг.

Тэтгэлэг

Сурлага, авьяас чадвар, идэвх оролцоо, амжилтад суурилсан тэтгэлэгт хөтөлбөрүүд

Буцалтгүй тусламж

Нийгмийн эмзэг бүлгийн оюутнуудад сургалтын төлбөрийн дэмжлэг

Хөнгөлөлт, нөхөн олголт

Замын зардал, нийтийн тээвэр, сургалтын төлбөрийн хөнгөлөлтийн боломжууд

Зээл

Оюутны хөгжлийн зээл болон бусад хэлбэрийн санхүүгийн дэмжлэг

ШУТИС-ийн оюутнуудад олгодог дэмжлэгүүд

Сургалтын төрийн сан
Замын зардал нөхөн олголт
Нийтийн тээврийн хөнгөлөлтийн карт
Оюутны хөгжлийн зээл
Ректорын нэрэмжит тэтгэлэг
Элсэгчдэд олгох тэтгэлэг

Бусад боломжууд

Оюутнууд Оюу Толгой ХХК, Монроуд ХХК, EZCON ХХК, АВВ компани, Санко групп, Хаан банк сан, Голомт банк, Зориг сан зэрэг байгууллагын нэрэмжит тэтгэлэгт хамрагдах боломжтой.

Мөн Монгол Улсын Ерөнхийлөгчийн нэрэмжит тэтгэлэг, Ерөнхий сайдын нэрэмжит тэтгэлэг, ШУТИС-ийн Захирлын нэрэмжит тэтгэлэг болон кредитийн урамшууллын хөтөлбөрүүдэд холбогдох журмын дагуу хамрагдана.

Боловсролын зээлийн сангийн буцалтгүй тусламж, тэтгэлэг

Монгол Улсын Засгийн газрын 2014 оны 71 дүгээр тогтоол, 2011 оны 102 дугаар тогтоолын хүрээнд дээд боловсролын сургалтын байгууллагын диплом, бакалавр, магистр, докторын өдрийн ангид суралцаж буй Монгол Улсын иргэнд сургалтын төлбөрийн буцалтгүй тусламж, тэтгэлгийг Боловсролын зээлийн сангаар дамжуулан олгоно.

Буцалтгүй тусламжид хамрагдах ангилал

Бүтэн өнчин суралцагч /Бакалавр/
Хөгжлийн бэрхшээлтэй суралцагч /Бакалавр, магистр, доктор/
Эцэг эх нь хоёулаа хөгжлийн бэрхшээлтэй суралцагч /Бакалавр/
Хөдөлмөрийн чадвараа бүрэн алдсан гишүүнтэй өрхийн нэг суралцагч /Бакалавр/
Нэг өрхийн 3 суралцагч зэрэг бакалаврт суралцаж буй өрхийн 1 суралцагч
Цаатан өрхийн суралцагч /Бакалавр/

Бүрдүүлэх материалын жагсаалт

Бүтэн өнчин суралцагч

Өргөдөл
Төрсний гэрчилгээ
ЭЕШ-ын батламж
Бүрэн дунд боловсролын гэрчилгээний хуулбар
Иргэний үнэмлэхийн хуулбар
Засаг даргын тодорхойлолт
Эцэг, эхийн нас барсныг гэрчлэх баримтын нотариатаар баталгаажуулсан хуулбар

Хөгжлийн бэрхшээлтэй суралцагч

Өргөдөл
Төрсний гэрчилгээ
ЭЕШ-ын батламж
Бүрэн дунд боловсролын гэрчилгээний хуулбар
Иргэний үнэмлэхийн хуулбар
Засаг даргын тодорхойлолт
Хувь тогтоосон актын нотариатаар баталгаажуулсан хуулбар

Эцэг эх нь хоёулаа хөгжлийн бэрхшээлтэй суралцагч

Өргөдөл
Төрсний гэрчилгээ
ЭЕШ-ын батламж
Бүрэн дунд боловсролын гэрчилгээний хуулбар
Эцэг эх, асран хамгаалагч болон суралцагчийн иргэний үнэмлэхийн хуулбар
Засаг даргын тодорхойлолт
Эцэг, эхийн хувь тогтоосон актын нотариатаар баталгаажуулсан хуулбар

Хөдөлмөрийн чадвараа бүрэн алдсан гишүүнтэй өрхийн суралцагч

Өргөдөл
Суралцагчийн болон хөдөлмөрийн чадвар алдсан ах, эгч, дүүгийн төрсний гэрчилгээ
ЭЕШ-ын батламж
Бүрэн дунд боловсролын гэрчилгээний хуулбар
Эцэг эх, асран хамгаалагч, холбогдох гишүүдийн иргэний үнэмлэхийн хуулбар
Засаг даргын тодорхойлолт
Хөдөлмөрийн чадвараа алдсан гишүүний актын нотариатаар баталгаажуулсан хуулбар

Нэг өрхийн 3 суралцагч зэрэг суралцаж байгаа тохиолдол

Өргөдөл
Төрсний гэрчилгээ
ЭЕШ-ын батламж
Бүрэн дунд боловсролын гэрчилгээний хуулбар
Эцэг эх, асран хамгаалагч, суралцагчдын иргэний үнэмлэхийн хуулбар
Засаг даргын тодорхойлолт
3 ба түүнээс дээш хүүхэд зэрэг суралцаж байгааг нотлох сургуулийн тодорхойлолт
Өөр сургуульд суралцаж буй 2 оюутны төлбөр төлсөн баримт

Цаатан өрхийн суралцагч

Өргөдөл
Төрсний гэрчилгээ
ЭЕШ-ын батламж
Бүрэн дунд боловсролын гэрчилгээний хуулбар
Эцэг эх, асран хамгаалагч, суралцагчийн иргэний үнэмлэхийн хуулбар
Засаг даргын тодорхойлолт
Цаатан тэтгэмжийн дэвтрийн хуулбар

Боловсролын зээлийн сангийн тэтгэлэг

Хоёр улсын Засгийн газар хоорондын хэлэлцээрийн дагуу суралцаж буй гадаадын иргэн /бакалавр, магистр, доктор/
Оршин суудаг газраасаа 500 км болон түүнээс хол байрлах сургуульд суралцагчдын өвлийн амралтын 2 талын замын зардал /бакалавр/

Тэтгэлэгт бүрдүүлэх материал

Гадаадын иргэн

БШУЯ-ны сайдын тушаалтай суралцагч байх

500 км-ээс хол суралцагчийн замын зардал

Иргэний үнэмлэхийн хуулбар
Сургуулийн тодорхойлолт
Явсан, ирсэн билет /тамга тэмдэгтэй/

ШУТИС-ийн Ректорын нэрэмжит тэтгэлэг

Оюутнуудын сурч боловсрох идэвхийг дээшлүүлэх, авьяас чадвар, хүсэл сонирхлыг нь дэмжих, эрдэм шинжилгээ, урлаг, спортын онцгой амжилтыг урамшуулах, амьдралын боломж муу оюутнуудад дэмжлэг үзүүлэх зорилготой.

Шилдэг суралцагч оюутан

3.6 ба түүнээс дээш голчтой 2 улирал дараалан суралцсан байх
Олон улс, улсын чанартай тэмцээнд амжилт гаргасан байх
ЭШ-ний ажил, олимпиадад амжилттай оролцсон байх
Сайн дурын үйл ажиллагаанд үр дүнтэй оролцсон байх
Бусад тэтгэлэгт хамрагдаагүй байх

Зарлагдах хугацаа: 1, 7 сард — жилд 2 удаа

Шилдэг элсэгч оюутан

Шинээр элссэн суралцагч байх
Амьжиргааны баталгаажих түвшнээс доогуур орлоготой өрхийн суралцагч байх
Тэргүүлэх ач холбогдолтой мэргэжлээр элсэн суралцагч байх
Олон улсын тэмцээн уралдаанд амжилт гаргасан байх

Бүрдүүлэх материал

Өргөдөл
Тэтгэлгийн анкет /вебээр бөглөнө/
ЭЕШ-ын батламжийн хуулбар
Өрхийн орлогын тодорхойлолт
“Миний мэргэжил миний сонголт” сэдэвт 500 үгийн эссэ
ЕБС-ийн сүүлийн 2 жилийн амжилтын хуулбар

Зарлагдах хугацаа: 9 сард — жилд 1 удаа

Шилдэг төгсөгч оюутан

Голч дүн 3.2 ба түүнээс дээш байх
Эрдэм шинжилгээ, сурлага, урлаг, спортоор шилдэг төгсөгч байх
Шинэ санаа, үр дүнг хэрэглээнд нэвтрүүлсэн байх
Сайн дурын болон олон нийтийн үйл ажиллагаанд тогтмол оролцсон байх

Бүрдүүлэх материал

Онлайн анкет бөглөж хэвлэх
Сургуулийн болон дүнгийн албан ёсны тодорхойлолт
Сургуулийн дэлгэрэнгүй тодорхойлолт
Хорооны тодорхойлолт
Амжилтын гэрчилгээ, сертификат, өргөмжлөлийн хуулбар

Зарлагдах хугацаа: 1, 7 сард — жилд 2 удаа

ШУТИС-ийн бакалаврын элсэлтийн журмаар элсэгчдэд олгох тэтгэлэг

Элсэлтийн ерөнхий шалгалтын босго онооны болзол хангасан, авьяаслаг элсэгчдэд эхний жилийн 30 кредитийн төлбөрөөс холбогдох хувиар хөнгөлөлт үзүүлнэ.

Олон улсын олимпиадад 1–3 байр эзэлсэн бол 100% хөнгөлнө
Техник технологийн улсын олимпиадад 1-р байр — 100%, 2–3-р байр — 75%, 4–5-р байр — 50%
Мэргэжлийн улсын олимпиадад 1–5 байр эзэлсэн бол 50% хөнгөлнө
ШУТИС-ийн харьяа ахлах сургууль төгссөн, ЭЕШ тус бүрт 650+ оноотой элсэгч — 50–100%
ШУТИС-д элсэгч ЭЕШ-ын суурь болон дагалдан хичээл тус бүрт 700–800 оноотой бол 50–100%

Зарлагдах хугацаа: 9 сард — жилд 1 удаа

“Сүмитомо Корпорац”-ийн тэтгэлэг

Азийн хөгжиж буй улс орнуудын ирээдүйн лидер болох шилдэг оюутнуудыг дэмжих зорилготой.

Хөтөлбөрийн нөхцөл

Жилд нийт 20 оюутанд тэтгэлэг олгоно
Нэг оюутанд жилд 500 ам.доллартай тэнцэх төгрөг
4 жил хүртэл сунгах боломжтой
Жил бүр 3.0-аас дээш голчтой бол сунгана

Тавигдах шаардлага

ШУТИС-ийн бакалаврын 2-р курсийн оюутан байх
30-аас доош насны Монгол Улсын иргэн байх
Бусад тэтгэлэг, төрийн сангийн зээлд хамрагдаагүй байх
Голч дүн 3.0 ба түүнээс дээш байх
Санхүүгийн дэмжлэг зайлшгүй шаардлагатай байх
Аливаа хэрэг зөрчилд холбогдоогүй байх

Бүрдүүлэх материал

Өргөдөл, эссэ
Иргэний үнэмлэхийн хуулбар
Сургуулийн болон дүнгийн албан ёсны тодорхойлолт
Улирал тус бүрийн голчийг баталгаажуулсан тодорхойлолт
Хорооны тодорхойлолт
Амжилтын гэрчилгээ, сертификат, өргөмжлөлийн хуулбар

Зарлагдах хугацаа: 10 сард — жилд 1 удаа

Монгол Улсын Ерөнхий сайдын нэрэмжит тэтгэлэг

Мэдлэг боловсрол, бүтээлч чанар, шинэ санаа, сайн үйлс, авьяас, ур чадварыг хөгжүүлэх, урамшуулан дэмжих зорилготой тэтгэлэг.

Тавигдах шаардлага

Тэргүүлэх ач холбогдолтой мэргэжлээр шинэ технологи, бүтээгдэхүүн, материал бий болгох санаачилга гаргасан байх
Нийгмийн сайн сайхны төлөө манлайлан ажилласан байх
Монгол хэл, соёлын биет болон биет бус өвийг хадгалан хамгаалах үйлсэд хувь нэмэр оруулсан байх
Суралцаж буй мэргэжлээрээ үлгэр дуурайл болсон, судалгаа шинжилгээний бүтээлтэй байх

Тэтгэлгийн хэмжээ

Болзол хангасан 40 хүртэлх суралцагчид жил бүр Монгол Улсын Ерөнхий сайдын гарын үсэг бүхий өргөмжлөл, 1,000,000 төгрөгийн мөнгөн шагнал олгоно.

Бүрдүүлэх материал

Нэр дэвшигчийн мэдүүлэг
Сурлагын амжилт, ур чадварын тодорхойлолт
Гэрчилгээ, батламж, төслийн үр дүнгийн танилцуулга
Илтгэл, өгүүлэл, патент, шагналын баталгаажуулсан хуулбар
Олон нийтийн ажлын тодорхойлолт, зураг, дүрс бичлэг
Соёлын өвийг түгээн дэлгэрүүлсэн материал
“Монгол Улсын ирээдүйн хөгжил ба Миний оролцоо” сэдэвт 500 үгийн эссэ

Зарлагдах хугацаа: 11 сард — жилд 1 удаа

“Тоёота-ШУТИС” сургалтын сангийн тэтгэлэг

Монгол, Япон улсын хамтын ажиллагааны хүрээнд байгуулсан “Тоёота-ШУТИС-ийн сургалтын сан” нь сурлага, сахилга батаар тэргүүний бөгөөд амьдралын боломж муутай, төлбөрийн чадамжгүй оюутнуудыг дэмжих зорилготой.

Тэтгэлэг олгох болзол

Улс, хотын чанартай олимпиадад оролцдог байх
Оюутны эрдэм шинжилгээний ажилд идэвхтэй оролцдог байх
Төрийн сангийн зээлд хамрагдаагүй, амьжиргааны түвшин доогуур байх
Бусад тохиолдолд 4 улирал дараалан амжилттай суралцсан байх
Онцгой авьяастай, техникийн сэтгэлгээтэй, сурлага сайтай оюутан байх

Бүрдүүлэх материал

Өргөдөл
Тэнхим, сургуулийн захиргааны тодорхойлолт
Товч анкет
Голч дүнгийн тодорхойлолт, сургалтын төлбөрийн хэлбэрийн тодорхойлолт
Уралдаан тэмцээний шагнал, урамшууллын батламж

Зарлагдах хугацаа: 11 сард — жилд 1 удаа

Нэмэлт мэдээлэл

Гадаадын байгууллагаас олгодог тэтгэлгийн мэдээллийг ШУТИС-ийн Гадаад харилцаа, хамтын ажиллагааны веб хуудаснаас дэлгэрүүлэн үзэх боломжтой.

Оюутны амьдрал

Тэтгэлэг, урамшуулал

Оюутны зөвлөл

Оюутны клуб

High Tech клуб

“Sys&CoTech” клуб