МХТС-ийн багш судлаачдыг мэдлэг бий болгох судалгаа хөгжүүлэлт хийх, дотоод, гадаадын санхүүжилттэй төсөл хэрэгжүүлэх, захиалгат, гэрээт ажлуудыг хийхэд дэмжлэг болох оюуны өмч, судалгааны баг, гарааны компани, мэдээллийн технологийн кластер бий болгохоор эрдэм шинжилгээ, инновацийн алба ажиллаж байна. Мөн бакалавр, магистр, доктор оюутнуудын эрдэм шинжилгээний хурал, хакотон, бүтээлийн уралдаан, үзэсгэлэн зохион байгуулах үйл ажиллагааг явуулж мэдээлэл, холбооны технологийн салбарын хөгжилд эрдэм шинжилгээ, туршилт, технологийн боловсруулалт, инноваци нэвтрүүлэлтийн чиглэлээр гадаад, дотоодын бизнес, үйлчилгээний байгууллагуудтай хамтран ажиллаж байна.