Мэдээлэл, харилцаа холбооны салбарыг Монгол улсын хөгжлийн хурдасгуур хэмээн үзэж Засгийн газраас инновацын тэргүүлэх чиглэлийн нэг болгон зарлаж хиймэл оюун ухаан, зүйлсийн интернэт, блокчэйн, 5G зэрэг дэвшилтэт технологиуд дээр суурилсан бүтээгдэхүүн, үйлчилгээг нэвтрүүлэх ажлууд хийгдэж байна. Монгол улсын мэдээлэл, харилцаа холбооны мэргэжилтнүүдийг бэлтгэдэг сургуулийн хувьд ШУТИС-ийн МХТС нь ирээдүйн чадварлаг инженер, энтрепренеруудыг төгсгөн гаргах шаардлага тулгарч байна.
TT түүлс ХХК болон ШУТИС-ийн МХТС хамтран бакалавр оюутнуудын SONOR X нэртэй инновацын уралдааныг 2023 оны 5 дугаар сарын 11-ний өдөр зохион байгууллаа.
Уг уралдаанд инновацын санаа, шийдлээ танилцуулахаар 1-ээс 4-р курсийн 25 оюутны 10 бүтээл (багаар 5, ганцаарчилсан 5) оролцож өөрсдийн бэлтгэсэн санаа, шийдлээ танилцуулж өөр хоорондоо өрсөлдлөө. ТТ түүлс ХХК-ийн захирал Н.Доржсүрэн эхний 5 байрт шалгарсан доорх бүтээлүүдийг шалгаруулж өргөмжлөл, мөнгөн шагналаар шагнаж урамшуулав. Үүнд:
1-р байр Өргөмжлөл 1.000.000 төгрөг
Сэдэв: “AI based call center”
Илтгэгч: Ж.Бауржан, Ч.Гал-Эрдэнэ, П.Эрдэнэ-Үүл,
Удирдагч: Б.Долгорсүрэн Док (Ph.D) /МТС-ын дэд профессор/
2-р байр Өргөмжлөл 800.000 төгрөг
Сэдэв: “Автомат нохой муур хооллох машин”
Илтгэгч: А.Даваасүрэн
Удирдагч: Г.Ганчимэг Док (Ph.D) дэд проф /КУС-ын ахлах багш/
3-р байр Өргөмжлөл 600.000 төгрөг
Сэдэв: “Цахилгаан хэмжих ухаалаг тоолуурын заалт авах үйл ажиллагааг автоматжуулах систем”
Илтгэгч: Ж.Амгаланбаяр
Удирдагч: Б.Гүндсамбуу /КУС-ын багш/
4-р байр Өргөмжлөл 800.000 төгрөг
Сэдэв: “Хиймэл оюун ухааны тусламжтай дохионы хэл хөрвүүлэх системийн судалгаа”
Илтгэгч: Д.Дүүрэнжаргал
Удирдагч: Г.Мөнхбат /МТС-ын багш/
5-р байр Өргөмжлөл 800.000 төгрөг
Сэдэв: “Ухаалаг гарц”
Илтгэгч: Л.Анужин
Удирдагч: Б.Зоригтбаатар Док(Ph.D), профессор /ЭС-ын профессор/
ТТ ТҮҮЛС ХХК-нь 2011 онд үүсгэн байгуулагдсан бөгөөд 2022 оны 7 сарын байдлаар 280 гаруй компаний 7000 гаруй суудлын, ачааны автомашин, мотоцикл, мопед, усан завь, комбайн, трактор, дамп болон нисдэг тэрэг зэрэг өөрөө явагч тээврийн хэрэгсэлд GPS төхөөрөмж суурилуулан ажиллаж байна. Мөн байршил тогтоогч төхөөрөмжийг температур мэдрэгч, түлшний төвшин мэдрэгч, кард уншигч болон релей төхөөрөмжтэй хослуулан өөрөө явагч тээврийн хэрэгсэлд суурилуулах ажлыг хийж байна. Сүүлийн жилүүдэд ТТ түүлс ХХК нь үйл ажиллагаагаа өргөжүүлэн ухаалаг барилга, гэр ахуйн ухаалаг систем төслүүдийг Монгол улсын зах зээлд амжилттай хэрэгжүүлж үйлчилгээг тасралтгүй үзүүлж байгаа компани юм.
Нийгмийн хариуцлагын хүрээнд ирээдүйн инженер, энтрепренеруудыг дэмжин хөрөнгө оруулалт хийж уламжлал болгон SONOR X инновацын уралдааныг МХТС-тай хамтран зохион байгуулахаар болсон TT түүлс ХХК-ийн хамт олонд талархал илэрхийлье.