ШУТИС-ийн Мэдээлэл, Холбооны Технологийн Сургууль болон Smart Logic ХХК хамтын ажиллагааны санамж бичиг байгуулж 2023 оны 04 сарын 26-ны өдөр ШУТИС-ийн МХТС-ийн захирал Н.Чулуунбанди, Smart Logic ХХК-ийн захирал Б.Анхбаяр нар хамтын ажиллагааны санамж бичигт гарын үсэг зурлаа.
Уг санамж бичгийн хүрээнд хийгдэх эхний хамтарсан ажил нь ШУТИС-ийн МХТС дээр энэ жил зохион байгуулагдах Улсын Програмчлалын XXXI олимпиад болж байгаа ба Smart Logic ХХК энэ олимпиадын Ерөнхий ивээн тэтгэгчээр оролцох юм. Уг компанийн ивээн тэтгэлэг болох 5 сая төгрөг нь Улсын Програмчлалын XXXI олимпиадын шагналын санг бүрдүүлж байна.
Smart Logic ХХК нь нийт 70 орчим ажилтантай ба програм хангамжийн чиглэлээр өргөн хүрээнд ажиллаж, одоогоор 3000 гаруй харилцагч байгууллагатай болсон бөгөөд монгол дахь хурдацтай өсч буй компаниудын нэг юм.